Saúdo do Presidente

Como presidente da Asociación de Empresarios de Redondela, quero darvos a benvida a este novo proxecto que poñemos en marcha para ser un vehículo máis de comunicación.

Despois de vinte anos de asociacionismo en Redondela, dende a Asociación de Empresarios, apostamos polas novas tecnoloxías e polos grandes recursos que nos oferta internet e por iso presentamos esta plataforma web totalmente renovada e actualizada con novos contidos que busca a mellora e a eficacia dos servizos que prestamos aos asociados e que sexa un punto de encontro e información para todos.

Hoxe máis de 400 empresas forman a Asociación de Empresarios de Redondela polas cales estamos a desenvolver proxectos nos distintos sectores productivos: comercio, hostaleiro e industrial. Todos eles imprescindibles para asegurar un desenvolvemento sostible para o noso municipio.

Confiando que esta web sexa da súa utilidade e nos permita permanecer máis unidos, se cabe, e agradecendo a súa confianza, reciba un cordial saúdo.